Mijëra qytetarë të mbledhur në protestën e 24-të radhazi në Tiranë i janë përgjigjur kryeministrit Edi Rama pas deklaratës së tij të fundit në intervistën për “Financial Times”.
Teksa kanë vijuar marshimin në rrugët e kryeqytetit, protestuesit kanë brohoritur njëzëri: “Rama, Rama, f*ck you”, duke iu referuar shprehjes së përdorur nga kryeministri.
Kjo thirrje është bërë pjesë e protestës së sotme, ndërsa qytetarët vijojnë të kërkojnë dorëheqjen e Edi Ramës dhe largimin e qeverisë.
“Njerëzit thonë se unë jam drejtuesi i gjithë kësaj. U them ‘fuck you’. Kaq e thjeshtë. Nuk më takon mua të provoj se nuk jam ‘Kumbari’, por atyre t’u takojë të provojnë se jam ‘Kumbari’”, është shprehur kryeministri.
