Kryedemokrati, Sali Berisha, është ndalur sërish në hotelin “Zig Zag”, në Vuno, i cili u sekuestrua pak ditë më parë nga SPAK, në kuadër të goditjes së një grupi kriminal të trafikut të drogës.
Në një postim në rrjete sociale, Berisha thotë se ky resort, po ngrihet në kufi me pronat që pretendon Edi Rama dhe fisi Koleka.
Sipas Berishës, pikërisht për këtë arsye, ish-kreu i Kadastrës, i ndjeri, Artan Lame, u shkarkua nga detyra më (9 mars 2023). Sipas kryedemokratit, 5 ditë pas publikimit të hartës së tokave në Vuno ku ndodhej dhe resorti i bandave të drogës, Lame u shkarkua nga detyra.
Berisha thotë më tej, se vëllai i Edi Ramës, Olsi Rama, është omniprezent në aksin Livadh-Jalë, ndërsa i ka bërë thirrje SPAK të nisë hetimet.
“E vërteta e shkarkimit të Artan Lames: U dëbua vetëm 5 ditë pasi publikoi hartën e tokave në Vuno. Pse? Sepse resorti “Zig-Zag” i bandave të drogës po ngrihet në kufi me pronat që pretendon Edi Rama e fisi Koleka. Olsi Rama është omniprezent në aksin Livadh-Jalë! Çfarë pret SPAK?”,- shkruan Berisha në fb.
