Një operacion i gjerë policor është zhvilluar në qytetin e Vlorës dhe në disa fshatra të zonës së Lumit të Vlorës, duke përfshirë kontrolle të shumta në banesa dhe ambiente të ndryshme.
Aksioni po drejtohet nga Drejtoria Vendore e Policisë Vlorë dhe vijon ende në terren, me forca të shumta të angazhuara njëkohësisht në disa pika.
Sipas burimeve paraprake nga policia, deri më tani janë shoqëruar dhe ndaluar të paktën 5 persona, ndërsa gjatë kontrolleve janë sekuestruar edhe armë zjarri.
Megjithatë, ende nuk janë bërë publike detaje zyrtare lidhur me veprat penale që po hetohen apo objektivin e plotë të operacionit.
Forcat e rendit kanë vijuar kontrollet në disa banesa dhe ambiente të tjera të dyshuara, ndërsa pritet që pas përfundimit të aksionit Policia e Shtetit të dalë me një njoftim zyrtar ku do të bëhen publike rezultatet e plota të operacionit.
