Një 52-vjeçar është arrestuar nga Policia në Tiranë pasi akuzohet se furnizonte me drogë një grup që merrej me trafik narkotikësh.
Sipas policisë, në pranga është vënë shtetasi F. B., 51 vjeç, i cili është ndaluar në një lokal në zonën e Freskut.
Gjatë kontrollit të çantës që ai mbante me vete, shërbimet e Policisë gjetën në brendësi të saj dhe sekuestruan, në cilësinë e provës materiale, 811 gramë lëndë të dyshuar narkotike të llojit kokainë.
Nga veprimet hetimore dyshohet se ky shtetas do të furnizonte edhe shtetas të tjerë me këtë sasi lënde narkotike, me qëllim shpërndarjen e saj në doza në zona të ndryshme të kryeqytetit.
Materialet procedurale i kaluan Prokurorisë, për veprime të mëtejshme.
