Një 51-vjeçar është arrestuar nga policia e Shkodrës pasi ka dhunuar gazetarin Ervin Dushi.
Sipas njoftimit zyrtar autori i dyshuar është shtetasi Prek Gjoni, 51 vjeç, pronar i rrjetit të marketeve “Xhedis”.
Gjoni, ka goditur me grushte gazetarin 46-vjeçar, duke e lënduar për shkak të detyrës.
Njoftimi:
Dhunoi fizikisht një 46-vjeçar (gazetar), për shkak të detyrës, kapet dhe vihet në pranga 51-vjeçari.
Specialistët për Hetimin e Krimeve të Komisariatit të Policisë Shkodër ndaluan shtetasin P. Gj., 51 vjeç, banues në Shkodër, për veprën penale “Goditja për shkak të detyrës”.
Ky shtetas dyshohet se më datë 18.05.2026, rreth orës 20:00, në lagjen “Skënderbeg”, ka goditur me grushte shtetasin E. D., 46 vjeç, gazetar, për shkak të detyrës.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
LEXO EDHE:
Dhunohet gazetari në Shkodër: Më ka sulmuar pronari i marketeve “Xhedis”
