Nga Boldnews.al
Në fushatën elektorale të vitit 2013 kryeministri Edi Rama premtoi shumë për investimet në fshat. Një nga pikat kryesore të programit në ajër, që kurrë nuk zbriti në tokë, ishte uji vaditës që do shkonte në çdo parcelë. Po ashtu premtonte pika të mëdha grumbullimi, investime në industrinë agropërpunuese, subvencione direkte nëpërmjet mbështetjes financiare për të gjithë fermerët dhe blegtorët dhe rikthimi i skemës së kompensimit me naftë pa akcizë.
Pas 13 vitesh në pushtet, fshati në sytë e “kryeqytetarit” është një nocion gjeografik dhe oaz për të marrë vota. Së fundmi, fermerëve u hoqi kompensimin për naftën pa akcizë. Ndërsa sheh “fundin e bujqësisë”, kryeministri Edi Rama ka nisur disa ture për të “mbjellë” në zonat rurale propagandën qeveritare, (një “bimë e egër” që ka mbytur anekënd zonat rorale në vend).
Kryeqytetar kryeministri, flet për skemën e re mbështetëse. Ai ulet mbi ndonjë deng njonxhë, pa pyetur se sa kushton ajo, ndërsa ata që e shoqërojnë nuk kanë guxim t’i thonë se të ndenjurat i ka mbi 13 euro mall, aq sa i nevojitet një lope për të mbajtur frymën gjallë. Nëse në qytet ankohen se domatja është me çmimin e papërballueshëm prej 4 mijë lekësh të vjetra, po dikush nga ata që e shoqërojnë duhet t’ia thonë se në përmbytjet “kryeqytetarit” që fshatin e njëh si “shtëpi qejfi” rrëzë Surrelit, se muajve të fundit asnjë kokërr leku nuk shkoi për kompensimin e fermerëve.
Po ashtu u hoqi rreth 50 mijë fermerëve naftën pa akcizë ndërsa çmimi i naftës ka kapur majat aktualisht dhe për të punuar një hektarë tokë nevojiten 400 mijë lekë të vjetra, pa llogaritur farën, plehërat kimikë dhe shpenzimet e tjera. Vetë qeveria mbylli çdo rrubinetë që pikonte ndonjëherë, por nuk mjafton me kaq. Raca e “fshatarëve” duhet zhdukur edhe kur BE mendoi për ne… Nëpërmjet fondeve të IPARD, Bashkimi Europian levroi 130 milionë euro për IPAD II, me përcaktim të qartë se do vijonte me vitin pasardhës me 140 milionë euro në ndihmë të bujqësisë shqiptare, por fondet përfunduan në xhepat e oligarkisë dhe partisë, aq sa institucioni hetimor OLAF urdhëroi ndërprerjen e menjëhershme të fondeve për shkak të abuzimit nga zyrtarët e kësaj qeverie. Edhe këtë dikush duhet t’ia thotë kryeministrit, ndoshta këshilltarja kryesore për bujqësinë Frida Krifca, por edhe ajo vetë është e zënë në ca hesape për të mbyllur me SPAK, ku ky i fundit e kishte në duar si “dosje të parë”, por po e kthen të fundit për nga rëndësia.
Fshati tashmë e ka kuptuar qartë se për të ka vetëm dy rrugë: ata që janë pranë zonave urbane në vend si Tirana, Durrësi Vlora dhe Elbasani të kthehen në djerrina për trojet e shtëpive të katërta të botës së krimit, biznesit dhe politikës; ndërsa në zonat me hapësirë të mëdha si Divjaka, Fieri, Berati dhe Korça të mbesin djerr për oligarkinë bujqësore. Të gjithë të tjerat janë “mbjellje propagande” për të shitur një produkt të skaduar qeveritar, i cili çuditërisht përkthehet me vota për ata që e shfarosën konceptim bujqësor, që i jep vendit rreth 20 % të Pridhimit të Brendshëm Kombëtar dhe merr 1.7 % nga buxheti i shtetit.
