Qendrat e votimit në Hungari janë drejt mbylljes pas një procesi zgjedhor me rëndësi të veçantë politike.
Autoritetet zgjedhore kanë bërë të ditur se rezultatet zyrtare nuk pritet të publikohen menjëherë, ndërsa në këto zgjedhje nuk do të ketë exit poll-e.
Disa qendra votimi kanë qëndruar të hapura më gjatë se orari zyrtar, për të lejuar të gjithë qytetarët që ndodheshin në radhë të ushtrojnë të drejtën e votës.
Sipas të dhënave më të fundit, pjesëmarrja ka arritur në një nivel rekord prej 77.8%, rreth një orë para mbylljes së procesit, duke tejkaluar dukshëm rekordin e mëparshëm të vitit 2002, që ishte 73.51%.
Autoritetet theksojnë se radhët e gjata janë krijuar jo vetëm për shkak të pjesëmarrjes së lartë, por edhe për shkak të një rregulli në ligjin zgjedhor hungarez, i cili u lejon qytetarëve të votojnë në qendra të ndryshme nga vendbanimi i tyre, për kandidatët në qytetin e tyre të origjinës.
Ky rregull ka shkaktuar fluks të madh votuesish, veçanërisht në kryeqytetin Budapest, ku janë krijuar radhë të gjata në shumë qendra votimi.
Hungaria tashmë ndodhet në pritje të rezultateve përfundimtare, të cilat pritet të jenë vendimtare për drejtimin politik të vendit.
