Detaje të reja kanë dalë në dritë nga ngjarja e regjistruar pasditen e kësaj të diele në Vlorë, ku një fëmijë i mitur ra nga ballkoni dhe për pasojë humbi jetën.
Sipas Policisë ngjarja ka ndodhur rreth orës 18:20, në lagjen “Pavarësia 3”. Fëmija 2-vjeçar dyshohet se aksidentalisht ka rënë nga ballkoni i banesës në pallatin ku banonte dhe për pasojë ka ndërruar jetë në vend.
Nga të dhënat paraprake rezulton se fëmija ndodhej në banesë së bashku me nënën e tij, shtetasen K. H.
Grupi hetimor nën drejtimin e Prokurorisë ndodhet në vendngjarje dhe po vijon punën për sqarimin dhe dokumentimin e plotë të rrethanave të ngjarjes.
