Edi Rama ka vijuar edhe ditën e sotme me kritika dhe akuza ndaj opozitës.
Në një kohë kur integrimi i Shqipërisë në BE, po përballet me pengesa për shkak të korrupsionit në nivele të larta dhe kontrollit të sistemit gjyqësor, për Edi Ramën fajin e ka Saliu.
Gjatë takimit me socialistët në njësinë nr.3 në Tiranë, Rama deklaroi se opozita po i dëmton imazhin Shqipërisë me deklaratat dhe denoncimet që jep për zyrtarët europianë dhe sipas tij, është pikërisht e djathta ajo që po pengon procesin e integrimit.
“Njerëzit që japin intervista në media të huaja dhe komunikojnë me grupe parlamentare, pavarësisht se përfaqësojnë forca opozitare, nuk e kanë idenë se çfarë dëmi bëjnë dhe nuk u intereson fare. Ata nuk lënë gur pa luajtur për të futur dyshimin te Shqipëria dhe te procesi i integrimit. Komisioni Europian ndjek çdo gjë 24 orë, shtatë ditë në javë. Ka një strukturë të organizuar që mbulon çdo fushë dhe nuk gënjehet dot”, tha Rama ndër të tjera.
