Një ngjarje e rëndë është regjistruar në qytetin e Pogradecit, ku një 17-vjeçar ka rënë pre e dhunës.
Dy persona kanë tentuar ta fusin me forcë në automjetin e tyre, duke ushtruar dhunë fizike dhe e kanë goditur me thikë në dorë.
Policia e Pogradecit, ka ndërhyrë për të parandaluar përshkallëzimin e situatës duke identifikuar autorët.
Në kuadër të operacionit, u arrestuan në flagrancë shtetasit Marjo Xhangolli, 33 vjeç, dhe Aljan Hilaj, 32 vjeç, banues në Pogradec.
Hetimet paraprake tregojnë se për motive të dobëta, të rinjtë kanë tentuar të marrin me forcë adoleshentin në automjet, duke e dhunuar dhe plagosur lehtë me thikë. Fatmirësisht, 17-vjeçari mori mjekim dhe ndodhet jashtë rrezikut për jetën.
Autorët akuzohen për veprat penale “Heqja e paligjshme e lirisë”, mbetur në tentativë, dhe “Plagosja e lehtë me dashje”, të kryera në bashkëpunim.
