Ish-deputeti demokrat, Lefter Maliqi ka lëshuar akuza të forta ndaj Edi Ramës, duke e cilësuar qeverisjen e tij në krizë të thellë politike dhe morale.
I ftuar në Syri TV, Maliqi u shpreh se Rama po përballet me pakënaqësi në rritje brenda Partisë Socialiste, ndërsa sipas tij, shumë figura historike të së majtës janë larguar ose janë lënë në harresë.
Sipas Maliqit, Rama po përpiqet të mbajë pushtetin përmes propagandës dhe deklaratave të bujshme për të tërhequr vëmendjen nga problemet e brendshme.
Ai shtoi se socialistët e zhgënjyer kanë filluar të ngrenë zërin, ndërsa një pjesë e tyre po afrohen me opozitën. Sa i përket kësaj të fundit Maliqi ka deklaruar se opozita duhet të riorganizohet për të përballuar situatën politike, të cilën e cilësoi si të rënduar dhe në dëm të qytetarëve.
Sipas Maliqit, qeveria e Ramës po ndikohet fort nga Belinda Balluku, duke e cilësuar situatën si një “bashkëdrejtim” të vendit.
“Thonë që është bërë mullari m…,. Dhe ky e ka bërë me korrupsion këto lloj mullari dhe prandaj ne është në trishtim të madh. Çdo shprehje që thotë, çdo ditë pothuajse, e thotë për tërheqje vëmendjesh, për shkak sepse i kanë filluar problemet dhe brenda, ai tha hale për opozitën, brenda hales së vet, sepse socialistët tani kanë filluar ta kuptojnë dhe kanë filluar që të ngrenë zërin dhe të gjithë socialistët që i hodhi në rrugë, tani nuk ka më, më shumë po merr demokratë. Unë e kam një shembull tipik në qarkun e Beratit, nuk e di do e gjeni apo s’e gjeni dot. Kam kërkuar në YouTube, është zhdukur.
Për shembull, drejtuesi politik, ministër sot që s’ka lidhje me Partinë Socialiste, me Rilindjen, drejtuesi politik i qarkut të Beratit, në 2009-ën kur unë kam qenë deputet, kam mbajtur fjalim atje dhe thashë, kush është ky, se unë herën e parë që isha kandidat për deputet në 2009-ën. Mbajti fjalim dhe e bëri Berishën hero dhe e bëri qofte halën që drejton rilindjen e krimit.
Çuditërisht sot 1 prilli, në studion e juaj unë bëra disa, jo akuza, por disa të vërteta për lidhjet e holigarkëve me krimin dhe është një padi e katërt që bëhet në gjykatën e Tiranës pranë SPAK-ut sot, ndërkohë që nja pesë, katër padi të tjera i kanë në gjykatën e Beratit, dy të fituara, dy vazhdojnë në proces.
Po vazhdojnë padi për të më lodhur, me një fjalë kjo është sepse këtu në Shqipëri nuk ka, nuk ka drejtësi. Do iki duke qeshur sot. Më duket se më ka thirrur për Zogun e Tiranës, për një media, portale, janë disa portale që kanë folur për një orgji të Sajmirit me Zogun e Tiranës, por edhe për disa akuza që unë i kam bërë, që i kam bërë me një fjalë në bazë të fakteve mediatike dhe dëgjesave në publik, si drejtues politik që jam.
Unë e shikoj që, e kam thënë dhe e them, jam i drejtpërdrejtë, që edhe demokratët, edhe opozitarët, por dhe socialistët e zhgënjyer, nuk e durojnë dot këtë gjuhë. Po fati i madh i tij ka qenë që ky përçau opozitën. Ky bleu ndërkombëtarët, pasi mbolli Shqipërinë me drogë, se ky ishte loja e tij. Keqpërdori Saimir Tahirin, e çoi tek Shtëpia e Bardhë, e flaku në rrugë më pas.
Me këto lejet e ndërtimit, të gjithë i ka flakur ky. E vetmja që e ka mbledhur, ia ka bërë tetë me dy, për shkak thonë që janë ca video, ca përgjime që i ka Balluku. E vetmja kjo është që e ka mbledhur. Dhe po t’i vesh re tani nuk ke më qeveri Rama, po ke qeveri Balluku-Rama. Pa dhe drejtori i përgjithshëm i policisë së shtetit që u emërua dje, opozita e dinte me kohë që do të emërohesh një person nga Balluku. Kështu që tani ka filluar kjo dhe ai çfarë bën tani? Përdor disa ilaritete sepse kanë filluar këto zërat e brendshme. Erion Braçe, me një fjalë, si një socialist që ka ngelur aty, Fatmir Xhafa s’po ndihet si socialist. Pandeli Majkon e hodhi, Musa Ulqinin e hodhi, Arta Daden e hodhi, i hodhi të gjithë socialistët, Felajn që kishte aty e me radhë. Dhe tani po merr disa demokratë, po i josh, ndërkohë që po hedh në rrugë socialistët. Dhe ne si opozitë ç’të po bëjmë? Edhe ne po marrim me një fjalë të socialistëve të zhgënjyer e me radhë. Por i duhet një punë shumë e madhe Partisë Demokratike dhe opozitës së bashkuar për ta rrëzuar këtë hale të shqiptarëve. Me një fjalë, dhe kjo duhet një hapje mbas datës 23 që është zgjedhja e kryetarit të Partisë Demokratike. Unë shpresoj që mbas kësaj të ketë një hapje të Partisë Demokratike, të ketë një riorganizim total.”,- është shprehur Maliqi.
