Ish-presidenti Ilir Meta deklaron nga qelia se ’22 Marsi i Demokracisë u shndërrua në një ditë triumfi të lirisë”. Nëpërmjet një reagimi në Facebook, Meta thotë se në protestën e sotme qytetarët treguan revoltën e tyre dhe i dhanë një grusht narkoregjimit.
Meta thekson se Edi Rama është tashmë thjesht një frikacak i trembur gjer në palcë, që fshihet poshtë çizmeve të Narkopolicisë.
Reagimi:
22 Marsi i Demokracisë u shndërrua në një ditë triumfi të Lirisë.
Mirënjohje të gjithë shqiptarëve, nga Tirana dhe mbarë vendi, që me revoltën dhe zemëratën e tyre i dhanë sot një grusht Narkoregjimit.
Dhuna ndaj protestuesve paqësorë, rrëmbimet e qytetarëve dhe sulmi i narkopolicëve ndaj liderit të Partisë Demokratike, Prof.Dr. Sali Berisha dëshmojnë panikun e thellë të Edi Ramës dhe pushtetit të tij që do shembet nën këmbët e sovranit!
Edi Rama është tashmë thjesht një frikacak i trembur gjer në palcë, që fshihet poshtë çizmeve të Narkopolicisë.
Asgjë nuk ja ndryshon dot fundin atij!
Tani fjalën e ka populli dhe vetëm ai do të vendosë!
