Rritja e menjëhershme e çmimit të karburanteve në vendin tonë, në një kohë kur asnjë vend në rajon nuk e ka bërë diçka të tillë, ka sjellë edhe reagime të shumta.
Çmimi i karburanteve është kthyer në një grabitje e hapur ndaj qytetarëve, ndaj edhe këta të fundit kanë zgjedhur të reagojnë.
Të hënën e 23 Marsit, në orën 17:00, qytetarët do të mblidhen para Kryeministrisë për të protestuar kundër rritjes së çmimit të karburanteve.
Qytetarët kanë vendosur t’i thonë “MJAFT” grabitjes që po u bëhet çdo ditë, ku paguajnë çmimin më të shtrenjtë të karburantit, edhe pse të ardhurat e tyre janë nga më të ulëtat në Europë.
Njoftimi:
PROTESTË QYTETARE KOMBËTARE
Çmimi i karburantit në Shqipëri po rëndon çdo ditë jetën e qytetarëve.
Kjo është një thirrje qytetare, pa parti dhe pa politikë.
Një zë i përbashkët për drejtësi dhe për një jetë më të përballueshme.
NAFTA NUK ËSHTË FLORI
MJAFT MË ME ABUZIMIN
QYTETARËT NUK JANË BANKOMAT
POPULLI NUK DURON MË
NE PAGUAJMË, ATA PASUROHEN
Kur qytetarët ngrihen bashkë, zëri i tyre dëgjohet.
