Policia e Fierit, ka arrestuar 33-vjeçarin Arnold Levendi, pasi akuzohet se shiste lëndë narkotike kokainë.
Sipas Policisë, nga kontrolli fizik, Levendit iu gjet një dozë lënde e dyshuar narkotike Kokainë, ndërsa nga kontrolli në automjetin që drejtonte, u gjetën 23 gramë të së njëjtës lëndë, të siguruara dyshohet me qëllim shitjen.
Po ashtu thuhet se Levendi rezulton person me precedentë penalëm për vepra të ngjashme në fushën e narkotikëve.
Bashkë me lëndën narkotike, autoritetet sekuestruan automjetin dhe dy celularë të shtetasit, si provë materiale për hetimin.
Materialet procedurale janë dorëzuar në Prokurorinë e Fierit për veprime të mëtejshme ligjore.
