Afati për dorëzimin e aplikimeve për garën për postin e Drejtorit të Përgjithshëm të Policisë së Shtetit, përfundon këtë të mërkurë.
Sipas njoftimit zyrtar të publikuar më herët nga Ministria e Brendshme, kandidatët që dëshirojnë të marrin postin e kryepolicit, duhet të dorëzojnë aplikimet dhe dokumentacionin përkatës brenda datës 11 mars 2026.
Ndërkohë kandidatët e mundshëm, pas shkarkimit “me dorëheqje” të Ilir Prodës janë:
Elidon Çela, drejtor i Policisë së Vlorës, Pëllumb Seferi, drejtori për Marrëdhëniet Ndërkombëtare në DPPSH, Skënder Hitaj, drejtor i Policisë së Fierit dhe Idajet Faskaj.
Në garë pritet të paraqiten edhe punonjës të tjerë të policisë, si Lenc Panganika, Gentian Shehaj, Afrim Tafa apo, Tonin Vocaj.
Mbetet për tu parë se cili nga kandidatët do të zgjidhet në krye të Policisë së Shtetit, ndëkohë më herët burime për Boldnews.al bënë me dije se emri i preferuar për postin e Drejtorit të Përgjithshëm të Policisë është Elidon Çela. Të njëjtat burime konfirmuan se gara është e paracaktuar dhe se Çela do të marrë drejtimin e Policisë së Shtetit,
Elidon Çela njihet brenda radhëve të Policisë si një prej bashkëpunëtorëve më të ngushtë të ish-drejtorit të Përgjithshëm, Ard Veliu, ky i fundit i etiketuar si “Kambalja”.
LEXO EDHE:
Garë e paracaktuar/ Elidon Çela, njeriu i “Kambales” në krye të Policisë së Shtetit?
