Një ngjarje e rëndë është regjistruar mbrëmjen e kësaj të hëne, në Tiranë.
Një 47-vjeçar ka qëlluar veten me armë zjarri, brenda banesës së tij, në rrugën “Sotir Caci”.
Sipas Policisë ngjarja ka ndodhur rreth orës 21:40, ndërsa nuk dihen arsyet që e çuan 47-vjeçarin drejt aktit ekstrem,
“Më datë 09.03.2026, rreth orës 21:40, dyshohet se është vetëvrarë me armë zjarri pistoletë në banesën e tij në rrugën “Sotir Caci” shtetasi B. G., 47 vjeç. Arma e zjarrit u sekuestrua në cilësinë e provës materiale”,- thuhet në njoftimin e Policisë.
Grupi hetimor po punon për sqarimin e plotë të rrethanave të rastit.
