Një aksident është regjistruar pasditen e kësaj të shtune në aksin rrugor Shkodër-Koplik.
Sipas Policisë, një kamion është përplasur me një tjetër automjet dhe për pasojë kanë mbetur të plagosur katër persona.
“Rreth orës 14:30, në aksin rrugor “Shkodër–Koplik”, automjeti kamion, me drejtues shtetasin B. K., 30 vjeç, është përplasur me një automjet, me drejtues shtetasin K. H., 65 vjeç. Si pasojë e aksidentit, janë dëmtuar drejtuesi i automjetit, shtetasi K. H., si dhe shtetaset L. L., B. K. dhe L. T., pasagjere në automjet, të cilat ndodhen në Spitalin Rajonal Shkodër, jashtë rrezikut për jetën”, – thuhet në njoftimin e Policisë.
Grupi hetimor po punon për sqarimin e rrethanave të aksidentit.
