Një aksident tragjik ka ndodhur në Itali, ku si pasojë e përplasjes mes një automjeti me punëtorë shqiptarë dhe një kamioni, humb jetën 24-vjeçari shqiptar.
Sipas informacioneve paraprake, për shkaqe ende në hetim nga karabinierët, janë përplasur këtë mëngjes, një automjet me punëtorë shqiptarë dhe një kamion që transportonte fruta dhe perime.
Në automjet udhëtonte një grup punëtorësh shqiptarë. Njëri prej tyre, 24-vjeçari Flori Topalli, silas informacioneve të policisë ka humbur jetën.
Ndërkohë kanë mbetur të plagosur disa të tjerëm mes tyre dhe drejtuesi i automjetit në gjendje të rëndë, të cilët janë dërguar në spital.
Rruga shtetërore 410, në kilometrin 14,432 në territorin e Naros, është mbyllur përkohësisht në të dy drejtimet. Karabinierët po kryejnë verifikimet për të rindërtuar dinamikën e aksidentit.
