Një 43-vjeçar shqiptar është arrestuar nga policia italiane në Genova, i dyshuar për posedim dhe shpërndarje të lëndëve narkotike, si edhe për falsifikim dokumentesh.
Sipas mediave italiane, operacioni u zhvillua nga hetuesit e seksionit kundër krimit, pas një sinjalizimi për aktivitet të dyshimtë në zonën e San Fruttuoso.
Pas një periudhe vëzhgimi, autoritetet konstatuan se i dyshuari fshihte doza kokaine brenda një matësi elektrik të vendosur në hyrje të banesës së tij, si edhe në tavanin e ashensorit të pallatit.
Sipas hetimeve, pakot merreshin nga vendet e fshehjes dhe u dorëzoheshin blerësve në ambientet e ndërtesës.
Gjatë ndërhyrjes, policia gjeti 24 doza kokaine, me një peshë totale rreth 20 gramë. Në banesë u sekuestruan gjithashtu rreth 2 mijë euro cash.
