Monika Kryemadhi ka rrëfyer detaje nga seanca paraprake e mbajtur këtë të enjte në GJKKO, në ngarkim të saj dhe të Ilir Metës.
Jashtë ambjenteve të gjykatës, për mediat, ajo ka deklaruar se gjatë seancës, mbrojtja ka kërkuar të thirren dëshmitarë të tjerë, teksa ka kundërshtuar akuzat e ngritura nga SPAK ndaj saj.
Sipas saj, në 240 faqe akuzë të dosjes pjesa më e madhe janë fokusuar te ajo, dhe vetëm 35 faqe janë për Ilir Metën, ndërsa shtoi se ekspertiza e prokurorisë do të shohë mesazhet e saj me Edi Ramën në vitin 2014, ku siç thotë ajo, ‘ja kanë futur’ Ilir Metës.
“Në 240 faqe akuzë që janë paraqitur 35 janë për CEZ-DIA-n për Ilir Metën dhe gjithë pjesa tjetër është e detajuar dhe është fokusuar te unë. Do i shohim të gjitha, ose si kemi zgjedhur Erion Veliajn kryetar bashkie, ja kemi futur Ilir Metës se donte Blendi Klosin, unë desha Erion Veliajn”, tha Kryemadhi.
