Evis Sala ishte emër i padëgjuar më parë në politikë kur u emërua në shtator të vitit 2025 si Ministre e Shëndetësisë dhe e Mirëqenies Sociale, nga Edi Rama.
E ftuar këtë të mërkurë në emisionin Opinion, ajo ka treguar se si e mori ftesën nga Edi Rama për postin, ndërsa ka pranuar degradimin e shëndetësisë në vend.
Sala është shprehur se në fillim kur ka parë realitetin e shëndetësisë ne vendin tonë, ka deklaruar se sistemi ka nevojë për shumë punë dhe se do ta përmirësonte situatën, por që nga momenti i emërimit, deri më tani emri i saj është lakuar vetëm për afera dhe korrupsion dhe shëndetësia është përfshirëedhe më shumë në skandale, ku rasti më alarmant është Onkologjiku.
“Realiteti që gjen kur nuk ke jetuar ose nuk e ke prekur situatën është gjithmonë më ndryshe. Kisha njohuri të disa sfidave e problemeve që kishte shëndetësia, por realiteti është gjithmonë pak më i ndryshëm kur nuk ke jetuar në vend. Momenti i parë i realitetit nuk ishte demoralizues por ishte uau, këtu ka për të bërë punë dhe idetë i kam. Duhet ngritur ekipi. Sepse unë kam punuar gjithmonë në ekip dhe besoj se suksesi i individit bazohet në ekipin që ngre. Kur ekipi është i suksesshëm, edhe individi është i sukssesshëm.”, është shprehur Sala, por deri më tani kjo ministre nuk ka treguar asnjë rendiment pozitiv në shëndetësinë e zhytur në korrupsion.
