Një tjetër situatë që ka nxjerr bllof Ministren e Brendshme Albana Koçiu është regjistruar këtë të premte në Tiranë.
Koçiu ishte në një konferencë live ditën e sotme, duke folur mbi molotovët e Partisë Demokratike dhe se si Policia nuk jep aprovim, por do të jetë aty për të garantuar rendin dhe sigurinë, por pak momente më vonë një vrasje me thikë u regjistrua fill pranë Komisariatit numër dy të Policisë në Tiranë.
Si të mos mjaftonte kjo, një tjetër plagosje me armë zjarri u regjistruar 10 minuta më pas.
Ironik është fakti, se si sa herë zyrtarë të qeverisë flasin për rend dhe siguri, kërcet arma ose thika. Ky është edhe një precedent i përsëritur tashmë. Edhe më 11 nëntor të vitit të kaluar ministrja e Ramës, u shpreh se Shqipëria është një ndër vendet më të sigurta, por fill pas deklaratës së saj krisi arma në Rinas, në një nga zonat që supozohet të jetë më të mbrojtura në vend. Ironia ishte se në atentat ishte gjithashtu i përfshirë edhe një efektiv.
Kontrasti i deklaratave të qeveritarëve me realitetin në vend, tregon se krimi nuk e ndjen dorën e shtetit dhe se mekanizmat e rendit dhe të parandalimit mbeten të dobëta, ndryshe nga sa thuhet në konferenca.
