Erion Veliaj i është drejtuar me ankim Apelit të Posaçëm kundër vendimit për vijimin e arrestit në burg ndaj tij.
Veliaj kërkon masë më të butë se arresti në burg, duke ofruar edhe garanci pasurore.
Apeli ka regjistruar kërkesën, duke caktuar edhe gjyqtaren Nertina Kosova për shqyrtimin e saj. Seanca në Apel do të zhvillohet më 24 shkurt.
Erion Veliaj u arrestua më 10 shkurt, pasi akuzohet se, së bashku me bashkëshorten Ajola Xoxa, ndërtuan një skemë komplekse korrupsioni dhe pastrimi parash për të përfituar në mënyrë të paligjshme nga fondet e bashkisë së kryeqytetit dhe ryshfete nga biznesmenë kontraktorë të saj, duke përdorur një rrjet kompanish dhe organizatash jofitimprurëse.
Sipas SPAK, kryebashkiaku i kryeqytetit dhe bashkëshortja e tij kanë përfituar rreth 1 milion euro nga kjo skemë korruptive.
LEXO EDHE:
