Orges Shehi është shumë pranë rikthimit te Tirana. Humbja në derbi duket se ka vënë në lëvizje drejtuesit bardheblu, të cilët tani kërkojnë trajnerin që disa vite më parë i shpalli kampion të Shqipërisë.
Në kampin e kryeqytetasve nuk ka më tolerime dhe përveç fitores çdo rezultat tjetër mund të vendosë në dyshim të ardhmen e Nuhiut.
Orges Shehi ishte tekniku i kryeqytetasve, e njeh mjaft mirë ambientin dhe mbetet një figurë e vlerësuar nga drejtuesit dhe vetë tifozët.
Në sezonin 2021-2022 ai arriti të shpallë ekipin kampion, derisa një vit më pas fitoi dhe Kupën e Shqipërisë duke lënë firmën e tij në sukseset që bardheblutë kanë regjistruar në vitet e fundit.
Përveç dy trofeve të fituar, 46-vjeçari mbetet trajneri më jetëgjatë te Tirana, duke drejtuar skuadrën për dy vite e nëntë muaj.
Sezoni aktual nuk i ka gjetur mirë bardheblutë.
Aktualisht kryeqytetasit janë në kuotën e 21 pikëve në vendin e tetë, një më shumë sesa Flamurtari dhe Bylisi që mbyllin tabelën e klasifikimit.
