Një 53-vjeçar i shpallur në kërkim për kultivim droge është arrestuar nga Policia në Malësi të Madhe.
Sipas policisë, në pranga është vënë shtetasi me inicialet A. H., 53 vjeç, banues në Kamicë.
Ndaj tij Gjykata e Shkallës së Parë të Juridiksionit të Përgjithshëm Shkodër, kishte caktuar masën e sigurisë “Arrest në burg”, për veprën penale “Kultivimi i bimëve narkotike”.
Nga hetimet dyshohet se 53-vjeçari kishte kultivuar 46 bimë narkotike në tokën pranë banesës së tij. Bimët janë zbuluar dhe asgjësuar nga më 12 shtator 2025.
Materialet procedurale i janë referuar Prokurorisë së Shkodrës për veprime të mëtejshme.
