Një përplasje që ka degraduar në konfrontim fizik është regjistruar në emisionin “Opinion” mbrëmjen e kësaj të enjte.
Teksa po diskutohej për gjykimin ndaj ish-krerëve të UÇK-së në Hagë, dy të ftuarit në studio shkrimtari Albatros Rexhaj dhe opinionisti Berat Buzhala janë përplasur verbalisht me njëri tjetrin më pas situata ka degraduar në konfrontim fizik.
Përplasja nisi pas një analize që Buzhala i bëri themelimit të Dhomave Speciale në Kosovë. Buzhala e akuzoi Rexhajn se kishte shkuar në studio “për të prishur debatin”, ndërsa ky i fundit e konsideroi një njeri që vetëm kritikonte Albin Kurtin.
Në një moment Buzhala ka marrë shishen e ujit dhe është ngritur nga karrigia duke e shtyrë Rexhajn që ishte I ulur.
Pjesë nga debati:
Rexhaj: Je tu e degradu debatin! Kur e keni kalu këtë amendament, Dhomave Speciale i keni dhënë të drejtën për me e interpretu vetë Kushtetutën. Je tu e degradu debatin. Ata janë vetë pashë, vetë subashë, ju e keni votu. S’e ka votu Albin Kurti!
Buzhala: Trus aty!
Rexhaj: Ti po fol tan ditën për Kushtetutën, ai e interpreton vetë Kushtetutën.
Buzhala: Po ta kuptoj që ke ardh me prish debatin!
Rexhaj: O burrë, s’je ti pronar i debatit. Mbylle gojën or burrë. S’je pronar i debatit!
Buzhala: Kujt i thua ti mbylle gojën?! Kujt?! (tha ai duke iu afruar Rexhajt dhe e godet)
Këtu ndërhyn moderatori Blendi Fevziu, si dhe i ftuari tjetër Ermal Hasimja, për të ndarë dyshen.
