Një 26-vjeçar është zhdukur pa gjurmë në Kavajë.
Sipas Policisë, ka qënë nëna e djalit ajo e cila ka denoncuar se i iu është zhdukur pa gjurmë prej datës 7 shkurt (e shtunë) dhe nuk ishte kthyer më në banesë, duke mos njoftuar asnjë familjar.
E shqetësuar, ajo ka kërkuar ndihmë për gjetjen e tij, pasi ka dëshmuar se nuk po e arrinte dot as në telefon.
“Kallëzoi shtetasja O. A., 47 vjeçe, banuese në Kavajë, se më datë 7 shkurt 2026, ishte larguar nga banesa, djali i saj, shtetasi F. S., 26 vjeç”, bën me dije policia.
Nuk jepen detaje në lidhje me dinamikën e ngjarjes, nëse mes dy familjarëve ka pasur konflikte apo nëse i riu kishte shqetësime.
“Punohet për gjetjen e tij”, thuhet në njoftimin zyrtar të Policisë së Kavajës.
