Gjykata ka komunikuar masat e sigurisë për 20 persona të përfshirë në çështjen e mbetjeve të rrezikshme në Durrës, pas hetimeve që zbuluan dyshime për kontrabandë, falsifikim dokumentesh, menaxhim të paligjshëm të mbetjeve dhe shpërdorim detyre. Vendimet përfshijnë arrest në burg, arrest në shtëpi si dhe masa më të lehta sigurie.
Sipas vendimit të gjykatës, për shtetasin R.B i dyshuar për “Kontrabandë me mallra të ndaluar apo kufizuar” dhe “Menaxhim i mbetjeve”, është caktuar masa “arrest në shtëpi”.
Ndërsa SH.H i dyshuar për kontrabandë dhe falsifikim dokumentesh, do të qëndrojë në “arrest në burg”. Edhe shtetasja Mirjeta Zotaj, e dyshuar për falsifikim dokumentesh dhe pastrim parash, është lënë në “arrest në shtëpi”.
Masat më të rënda janë caktuar për disa persona të dyshuar për kontrabandë dhe menaxhim të paligjshëm të mbetjeve.
Në “arrest në burg” janë lënë shtetasit Mikail Hila, Nazif Bajrami Andon Prifti Indrit Likaj, Edmond Voda, Florian Çimo dhe Gazmend Sina Ndërkohë, për shtetasit Helidon Lila dhe Shkëlqim Jakupi është vendosur masa “arrest në shtëpi”, ndërsa për Julian Kapedanin është caktuar ndalim i daljes jashtë shtetit dhe detyrim paraqitjeje në policinë gjyqësore.
Për një grup tjetër personash, kryesisht të dyshuar për veprën penale “Shpërdorimi i detyrës”, gjykata ka vendosur masa më të lehta sigurie. Shtetaset Arta Dollani, Kledina Skendo, Bujana Tonçiça Evis Mellonashi. dhe Iva Musa janë ndaluar të dalin jashtë shtetit dhe janë detyruar të paraqiten periodikisht në policinë gjyqësore.
Për shtetasen Marjeta Përlala është caktuar vetëm detyrim paraqitjeje, ndërsa shtetasi Kejdi Ahmetaj. është lënë në “arrest në shtëpi”.
