Një 46-vjeçar është arrestuar nga Policia në Vaun e Dejës, pasi ishte shpallur në kërkim për kultivim kanabisi.
Sipas policisë, në pranga është vënë shtetasi Gjerg Goli, i cili akuzohet si bashkëpunëtor për përshtatjen e 2 ambienteve (banesa) për kultivimin e bimëve narkotike, me llamba, në fshatin Barbullush.
Nga këto 2 ambiente, disa javë më parë, u sekuestruan 583 bimë narkotike kanabis, rreth 7.5 kg kanabis dhe 307 pajisje elektrike që shërbejnë për kultivimin e bimëve narkotike.
Gjykata e Shkallës së Parë e Juridiksionit të Përgjithshëm Shkodër i ka caktuar atij, masën e sigurisë “Arrest në burg”, për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Vjedhja e energjisë elektrike ose impulseve telefonike”, të kryera në bashkëpunim.
Materialet procedurale iu referuan Prokurorisë së Shkodrës, për veprime të mëtejshme.
