Një sherr që ka degraduar në përdorim e thikës është regjistruar, mbrëmjen e kaluar, në lagjen numër 4, të Sarandës.
Dy persona të identifikuar si Enea Qorri dhe Arnest Gjoncaj janë përleshur me dy të tjerë dhe për pasojë kanë mbetur të plagosur.
Sipas informacioneve paraprake, 27-vjeçari Arnest Gjoncaj, banues në fshatin Gjashtë, është goditur me thikë pas shpine dhe për shkak të gjendjes së rëndë shëndetësore është nisur me urgjencë drejt Tiranës për trajtim të specializuar mjekësor.
Nga përplasja e dhunshme ka mbetur i plagosur edhe Enea Qorri, i cili sipas policisë rezulton me precedentë penalë.
Policia e Sarandës ka nisur hetimet për zbardhjen e rrethanave të ngjarjes dhe po punon për dokumentimin e plotë ligjor të saj.
