Albana Koçiu, ministre e Brendshme, foli në Kuvend për të justifikuar veprimet e Policisë gjatë protestës së opozitës më 24 janar ku dhjetëra protestues kanë mbetur të lënduar nga dhuna policore mes tyre edhe të mitur.
Gjatë fjalës së saj, Koçiu deklaroi se policia nuk ka ushtruar dhunë, por është përballur me dhunë nga protestuesit.
Sipas saj, policia ka vepruar në përputhje me ligjin.
Në lidhje me rastin e 14-vjeçarit që opozita pretendon se është marrë zvarrë dhe keqtrajtuar nga policia, Koçiu e mohoi këtë, duke thënë se ai u shoqërua si masë për mbrojtjen e jetës së efektivëve dhe vetë të miturit, duke shtuar se ai është mbajtur në kushte të përshtatshme dhe më pas është liruar.
“Policia e Shtetit ka vepruar në përmbajtje të plotë të rregullave, ka bërë thirrje për ndalimin e dhunës dhe ruajtjen e karakterit paqësor të protestës, kur rreziku ndaj tyre u bë evident, u ndërmorrën masa për shpërndarjen e turmës.
Akuzat se policia ka përdorur forcë të tepruar, janë të pavërteta dhe të pabazuara! Dua të theksoj edhe diçka tjetër shumë të rëndësishme, e drejta për protestë është e pacenueshme, por dhuna nuk është e drejtë politike“.
“I mituri është konstatuar duke gjuajtur me sende të forta, për të mbrojtur jetën e policëve dhe vetë të miturin, ai është marrë për verifikim, siç e parashikon ligji. Bëhet fjalë për një 14 vjeçar, nuk është rajtuar në mënyrë çnjerëzore, ka qëndruar në një ambient të posaçëm dhe të përshtatshëm në përputhje me srandardet e garancisë ligjore për mbrojtjen e të miturve. Me paraqitjen e përfaqësuesve ligjorë, është lënë i lirë. – tha ajo.
