Tre persona janë arrestuar në Tiranë pasi dyshohen se ishin të përfshirë në shpërndarjen e lëndëve narkotike, kryesisht kokainë, në disa zona të kryeqytetit.
Sipas të dhënave paraprake, të arrestuarit vepronin në bashkëpunim me njëri-tjetrin dhe furnizonin me drogë grupe shpërndarësish që më pas e shisnin në tregun vendas.
Ata u ndaluan në zonën e Unazës së Madhe, pranë rrethrrotullimit të TEG-ut, teksa udhëtonin me një automjet tip “Escalade”.
Gjatë kontrollit në mjet, autoritetet gjetën dhe sekuestruan një pako me rreth 1 kilogram e 36 gramë lëndë të dyshuar narkotike të llojit kokainë.
Të arrestuarit janë shtetasit E. M., 26 vjeç, I. C., 33 vjeç dhe A. K., 32 vjeç, banues në Tiranë.
