Një situatë problematike me furnizimin me energji elektrike është raportuar mbrëmjen e sotme në thuajse gjysmën e Tiranës.
Zona të tëra të kryeqytetit kanë mbetur pa drita, duke shkaktuar shqetësim te banorët.
Raportime të shumta për mugnesë të energjisë vijnë nga zonat që i përkasin Njësive Administrative 1 dhe 2, përfshirë Ali Demi, Shkozë, Tregun Elektrik, Sauk, etj.
Fillimisht është dyshuar se shkak i ndërprerjes mund të ketë qenë djegia e nënstacionit të Njësisë 2.
Megjithatë, burime zyrtare nga Operatori i Shpërndarjes së Energjisë Elektrike (OSHEE) bëjnë me dije se defekti nuk lidhet me rrjetin e tyre, por me OST-në, konkretisht me linjat e tensionit të lartë 110 kV.
