Në fjalën e tij në protestën e Partia Demokratike, ish-deputeti Lefter Maliqi është shprehur se opozita duhet të lërë mënjanë hatërmbetjet dhe përçarjet për t’u bashkuar kundër qeverisë së kryeministrit Edi Rama.
Ai akuzoi qeverinë për korrupsion, lidhje me krimin e organizuar dhe varfërim të qytetarëve, duke theksuar se fondet publike, sipas tij, përdoren për afera dhe interesa klienteliste, ndërsa mungojnë për pensionistët, fermerët dhe shtresat në nevojë.
Maliqi kërkoi dorëheqjen e qeverisë, ngritjen e një qeverie teknike dhe zhvillimin e zgjedhjeve të parakohshme,
“Krimi mbizotëron brenda dhe jashtë burgut, e patë edhe arratisjen në Durrës me Troplinët që drejtojnë, ku një vrasës me pagesë shoqërohej vetëm me 3 policë.
E patë edhe në Peqin se si u vra një i dënuar me burg përjetë, se si futet pistoleta atje, dhe Ulsiu i famshëm del aty, ai i vjedhjes së votave në Dibër, thotë se u hodh pistoleta atje me dron. E patë se çfarë ndodhi me krimin në Rinas, në mes të ditës. E patë me Agasin, kushëri apo çfarë e ka Rama, se si i përgjonte, filmime orgjish apo çfarë i ka”, tha ai.
