Aktivistët e lëvizjes “Shqipëria Bëhet” kanë hedhur para Kryeministrisë disa qese me miell në mënyrë ironizuese për qeverinë Rama e cila akuzohet nga opozita se është e lidhur ngushtë me krimin dhe e ka kthyer Shqipërinë në narkoshtet.
Adriatik Lapaj tha gjatë fjalës së tij para protestuesve se qeveria Rama është në funksion të krimit dhe se ka mbjellë vetëm frikë dhe drogë në vend.
Në një moment pati tensione edhe mes policëve dhe protestuesve pasi këta të fundit tentuan të shkonin përtej gardhit të vendosur para godinës së Kryeministrisë. Ata iu afruan efektivave të policisë duke bërë thirrje për dorëheqjen e Ramës.
Siç shihet edhe në videon e mëposhtme, protestuesit brohorasin “Rama ik”, “Edi Rama këtu na ke, këtu na ke!”, “Edi Rama drogaxhi”.
“Ky shtet i turpit, që e çoi Shqipërinë në këtë shkatërrim të madh. Nuk ka asnjë komb në botë që droga dhe krimi i organizuar kthehen në sistem, varfëria dhe korrupsioni mbizotëron. Keqqeverisja dhe autokracia mbizotëron se shteti vendoset në funksion të krimit dhe kjo duhet luftuar. Droga qoftë e bardhë apo e kuqe, vuajtja për kombin nga ata që i vendosin shtetet në funksion të drogës merion një luftë të madhe të një aleance ndërkombëtare kundër tyre. Do të mbahen mend si qeveria që mbolli drogë dhe frikë. Ndaj duhet ta presim nga rrënjët. Edi Rama o hajdut”, tha Lapaj.
