Policia e Tiranës ka arrestuar tre persona të akuzuar për vjedhje banesash në kryeqytet. Të arrestuarit rezultojnë të kenë qenë të dënuar më parë për të njëjtin krim.
Në pranga u vunë shtetasit A. M., 36 vjeç, S. T., 35 vjeç dhe G. K., 38 vjeç.
Sipas hetimeve, janë zbardhur tre raste vjedhjesh të kryera nga ky grup gjatë muajit janar. Njëra prej tyre u krye ditën e djeshme, ndërsa në një banesë u vodhën 14 000 euro dhe sende me vlerë.
Policia bëri të ditur se anëtarët e grupit vepronin duke fotografuar bravat e dyerve të banesave. Më pas, pamjet analizoheshin për të zbërthyer mekanizmin dhe për të mundësuar hapjen me çelës universal.
Nga hetimet dyshohet se më datë 7 janar, tre të arrestuarit kanë vjedhur në një banesë në rrugën “Don Bosko”. Më 10 janar, ata kanë kryer një tjetër vjedhje në rrugën “Dritan Hoxha”, ku morën 14 000 euro dhe sende me vlerë. Ndërsa dje, grupi ka kryer një tjetër vjedhje në një banesë në rrugën “Don Bosko”.
