Moti i keq ka shktuar problematika edhe në Qarkun e Dibrës.
Reshjet e dëborës dhe shiut kanë shkaktuar përmbytje dhe bllokime rrugësh në shumë bashki.
Gjithashtu në disa zona ka pasur edhe mungesë të energjisë elektrike, ndërsa në disa akse rekomandohet qarkullimi me goma dimërore.
Situata paraqitet si më poshtë:
Bashkia Klos
-Nga dëbora disa rrugë fshatrash në njësitë Xibër dhe Gurrë, janë me prani dëbore dhe lëvizet me zinxhir.
Bashkia Bulqizë
-Në Trebisht, Ostren, trashësia e dëborës 25 cm ku ka rrugë të fshatrave me qendrat Administrative të bllokuara.
-Rruga Ura e Cetenecit – Ostren, në segmentin Klenje-Ostren e bllokuar.
-Ka mungesë energjie elektrike në njësinë Trebisht.
-Në Martanesh, rrugët e fshatrave me qendrat Administrative të bllokuara.
Bashkia Dibër
-Nga reshjet e dëborës, janë të bllokuara qendrat Administrative me akset kryesore, njësitë Selisht dhe Lurë.
-Të bllokuara janë edhe rrugët e fshatrave me qendrat administrative në njësitë Lurë, Selisht, Luzni.
-Ka mungesë energjie elektrike në Njësitë Kala e Dodës, Sllovë, Reç, Zall Dardhë e Lurë.
Bashkia Mat
-Rruga rurale që lidh qendrën Administrative me aksin kryesor e dëmtuar dhe shumë e rrezikuar për të izoluar gjithë njësinë.
-Akset e rrugëve nacionale janë të kalueshme normalisht, ndërsa në segmentet Peshkopi-Vasie, Ura e Çerenecit- Steblevë, si dhe Qafë Bualli-Krastë në disa vende me zinxhir.
-Aksi rrugës së Arbrit duhet me goma dimërore. Nga Operatorët kontraktor po punohet me mjete e lëshim kripe duke i mbajtur të gjitha rrugët të kalueshme.
-Furnizimi me energjinë elektrike është në normalitet. Furnizimi me ujin e pijshëm është në normalitet.
