Nga Boldnews.al
Fati i Emiriano Sakos u lidh me fatkeqësinë natyrore të tërmetit të 26 nëtorit 2019, duke zëvendësuar kushërirën që çedoi fort në qëndrime por edhe menaxhim të situatës, por tashmë mund të ikë po nga fatkeqësitë, ama ketë herë mbajnë firmën nga dora e saj. Durrësi është në situatën më të rëndë të gati 100 viteve të fundit. Përmbytjet masive kanë prekur zonën nga Porto Romano deri në çdo pëllqmbë të qytetit.
Justifikime me reshjet e dendura të shiut duket se nuk mund ta shpëtojë më “shpëtimtaren e Ramës”, e cila në shtatë vite qeverisje lokale mban një barrë të madhe dyshimesh të arsyeshme për tendera publikë që kanë futur duart bota e krimit, oligarkia dhe interesat lokale dhe qëndrore.
Mbyllja e dy kanaleve kryesore kulluese të Durrësit, një pjese e ndërtuar që në vitin 1028, dalja jashtë funksionit e hidrovorit të vjetër dhe mosfunksionimi i hidrovorit të ri, janë arsyet kryesore që sot Durrësi përjeton jo vetëm dëme të shumta materiale, por edhe humbjen e një jete, mbytjen e punëtorit të pastrim gjelbërimit ndërsa mundohej që me një lopatë në duar të hapte grykën e një kanali.
Për prokurorinë vlejnë ca copa letrash ashiqare për të dërguar shumë zyrtarë të lartë nga bashkia drejt Burgut të përbytur të Durrësit, por qytetarët aty kanë edhe një tjetër imazh, të zonjës në dukje të paqtë.
Në çdo palë zgjedhje, qëndrore dhe lokale prania e saj në fushatë ishte e frikshme. Ndërhyrje, shpërndarje apartamentesh në kohë fushate, dhënie shpërblimesh në kohë fushate, shoqërim të hapur me element të botës së krimit dhe në fund zonja e parë e Durrësit kthehej në një nga “kryezonjat e Ramës” që thithte vota, më shumë sesa sot thithin pompat e një hidrovori gjysmak që hëngri 20.5 milionë euro.
Dikur do të shpërthente dhe nuk vonoi. Përgjatë vitit 2025 Durrësi është përmbytur tre herë, për të kulmuar në tre ditët e fundit të muajit të parë të këtij viti. Llumi i dalë nga përmbytja, dëmet ekonomike në shifra të frikshme dhe ankesat e qytetarëve duke drejtuar gishtin drejt saj, mund të jenë pikë kthese për fundin e shpejtë në drejtimin e një prej qyteteve me kryesore të vendit.
Erdhi nga fatkeqësia e natyrës dhe po ikën nga gropa e madhe e fatkeqësisë së saj. Mania për të mbajtur pushtet me çdo kusht, hajnia që ktheu taksat qytetare si “detin kos” për oligarkinë dhe politikën qeverisëse, e bëjnë Sakon kandidate të mundshme të gruas së parë që përballjen me drejtësinë mund ta ketë shumë të rëndë.
Ai, shefi, bosi, ‘i madhi”, “i gjati” apo “palloshi” (sikundër del në komunikimet e vetë zyrtarëve të lartë publik), ka humbur ca fuqi duke u marrë me hallin personal, ndaj mbrojtja për “zonjën hambar votash” mund të jetë e pamjaftueshme. Durrësi nuk mban më ujë…!
