Policia italiane ka zbuluar një depo të vërtetë droge në rajonin e Abruzzos, ku një 43-vjeçar shqiptar u kap duke trafikuar dhe magazinuar sasi të mëdha të lëndëve narkotike.
Shqiptari, i cili jetonte prej vitesh në zonën e Nereto, fillimisht u ndalua në makinë pas dyshimeve të policisë, por ajo që uniformat blu gjetën më pas i la edhe hetuesit të habitur.
Nga kontrolli i banesës, garazhit dhe kopshtit të shtëpisë private ku ai jetonte, u sekuestruan më shumë se 100 kilogramë drogë të ndarë në disa lloje:
rreth 70 kg hashash të fshehur në garazh,
afërsisht 30 kg kokainë të groposur në fuçi metalike në kopsht,
dhe mbi 3 kg heroinë.
Përveç drogës, policia gjeti edhe pajisje të plota për përpunimin e saj, përfshirë:
30 kg lëndë prerëse,
peshore dhe pajisje matëse,
paketues me vakum,
presë hidraulike,
dhe materiale të tjera për ndarjen dhe shpërndarjen e lëndës.
Shtëpia e shqiptarit ishte shndërruar në qendër magazinimi dhe përpunimi për lëndë narkotike të gatshme për treg.
