Një makinë luksoze e tipit BMW M8, e raportuar e vjedhur në Gjermani, është zbuluar nga Policia në Tiranë.
Sipas të dhënave zyrtare, automjeti me vlerë rreth 140 mijë euro ishte sjellë në Shqipëri nga një shtetas i Kosovës, me qëllim shitjen.
Gjatë kontrollit dhe verifikimeve të dokumentacionit, mjeti rezultoi të ishte në kërkim ndërkombëtar.
Policia ka identifikuar dhe ka shpallur në kërkim F. H., 42 vjeç, i dyshuar si personi që trafikoi makinën nga Gjermania në Shqipëri.
Po ashtu është proceduar penalisht blerësi, E. D., 39 vjeç, i cili u ndalua teksa drejtonte mjetin.
