Kreu i Partisë Demokratike, Sali Berisha, në fjalën e tij në protestën e përjavshme para Kryeministrisë, komentoi sërish arrestimin e presidentit të Venezuelës, duke e lidhur drejtpërdrejt me situatën politike në Shqipëri dhe me kryeministrin Edi Rama.
Berisha e cilësoi Ramën si drejtues të një “narko-diktature” dhe deklaroi se do të përballet me drejtësinë, njësoj si Maduro.
Entuziazmi i Berishës për arrestimin e Maduros së Venezuelës nga SHBA, e vendos opozitën në rolin e spektatorit që pret rënien e Ramës me shpresën se dikush tjetër do ta bëjë punën në vend të saj.
“Viti 2026 ngjason shumë në histori me vitin e rrëzimit të diktaturave komuniste njëra pas tjetrës. Sot diktaturat më të përhapura janë narkodiktaturat dhe autokracitë elektorale. Lavdi zotit ushtria amerikane dhe qeveria e SHBA, në një operacion më të përsosurin në histori arrestuan dhe nxorrën sot para gjyqit Maduron e Venezuelës, Ramaduron e Venezuelës. Mediat e kontrolluara nga qeveria, nga mëngjesi në darkë, u bien borive se u shkel sovraniteti dhe shkeli ligjin ndërkombëtar.
Dhunuesit më të mëdhenj të ligjit ndërkombëtar janë diktaturat. Nuk ka sovranitet vendi në të cilin zgjedhjet zëvendësohen me farsë elektorale. Narkodiktatori që shndërron zgjedhjet në farsë dhe asgjëson sovranitetin e kombit nuk meriton të qëndrojë në pushtet. Trump gjer sot ka përsëritur se këtij Maduroje do të vijnë të tjerë pas teje. Dhe iu ka dërguar mesazhe. E vërteta është se ky akt solli ngricë të madhe, tmerr dhe terror në Surrel. Edi Rama ngriu.
E kyçi dje podcastin e tij Mashtrojmë. Publikoi një artikull me emrin e dy mashtruesve ordiner të tij, Endri Kajsiu, në të cilin thoshte mos kujtoni se jam Maduro se shqipëria nuk ka naftë si Venezuela. Ky është Ramaduro, se njëlloj si Maduro, ka shndërruar zgjedhjet në farsë elektorale. Mandatet e tij qëndrojnë mbi krimin, ka marrë mandatet e opozitës.”, tha ai.
Lexo edhe:
Maduro, Ramaduro dhe entuziazmi i opozitës që bredh pas “atyre” te dashit
