Pamje të reja të publikuara në rrjetet sociale tregojnë momentin kur Nicolás Maduro mbërrin në ambientet e DEA në Manhattan, pasi u arrestua nga forcat amerikane gjatë një operacioni të zhvilluar në Karakas.
Në video, Maduro shihet i shoqëruar nga dy agjentë federalë, me pranga në duar, teksa futet në zyrat e DEA-s. Pavarësisht situatës, ai duket i qetë dhe i buzëqeshur, ndërsa u drejtohet agjentëve me fjalët:
“Mirëmbrëma, Gëzuar Vitin e Ri.”
Sipas informacioneve, Maduro është transportuar fillimisht në Nju Jork, ku është dorëzuar zyrtarisht autoriteteve federale amerikane dhe pritet të përballet me procedurat e para ligjore.
Autoritetet amerikane e akuzojnë liderin venezuelian për një sërë veprash të rënda penale, përfshirë:
komplot për narkoterrorizëm,
komplot për importimin e kokainës në Shtetet e Bashkuara,
prodhim, shpërndarje dhe posedim të lëndëve narkotike me qëllim trafikimi,
përdorim dhe posedim të armëve të rënda gjatë krimeve të drogës,
si edhe konfiskim pasurie (forfeiture).
#PATÉTICO. “Happy new year”, Nicolás Maduro llegó a las instalaciones de la DEA dándole el Feliz Año a los agentes que lo trasladaron a Nueva York. Ya está en el Brooklyn Detention Center dónde lo van a procesar y a leerle los cargos. pic.twitter.com/qbmW0ZmdlY
— Colombia Oscura (@ColombiaOscura) January 4, 2026
