Një aksident fatal është shënuar mbrëmjen e djeshme në zonën e Mullet, ku një këmbësor ka humbur jetën pasi u përplas nga një autobus i transportit publik.
Ngjarja ka ndodhur në vendin e quajtur Ura e Peshkatarit. Sipas Policisë, këmbësori Zaim Ismaili, 46 vjeç, është përplasur nga autobusi i linjës Tiranë–Kërrabë, i cili drejtohej nga shtetasi Ndriçim Hidri, 56 vjeç.
Si pasojë e përplasjes së fortë, 46-vjeçari ka ndërruar jetë në vend, ndërsa drejtuesi i autobusit është arrestuar nga Policia e Tiranës.
“N. H., 56 vjeç, pasi mbrëmjen e djeshme, në afërsi të vendit të quajtur ‘Ura e Peshkatarit’, autobusi që drejtonte ka aksidentuar këmbësorin shtetasin Z. I., 46 vjeç, i cili për pasojë ka humbur jetën”, njofton policia.
