Edi Rama teksa komentoi dosjet e SPAK për Balinda Ballukun apo zyrtarët e AKSHI-t, nuk la pa sulmuar edhe analistët. Ai i quajti ata “kapakë tenxheresh me paga marramendëse të padeklaruara”, ndërsa theksoi se ushqejnë opinionin publik me gjysmë të vërteta.
Mesa duket. Rama është prekur nga komentet negative për të besuarit e tij dhe shprehet se zyrtarët që janë nën hetim degjenerohen në publik, ndërkohë që ata kanë të drejtën të prezumohen të pafajshëm.
“Ushqehet publiku me këto gjëra për të dënuar në sytë e opinionit njerëz që kanë të drejtën të prezumohen të pafajshëm derisa ti dënojë gjykatë. Degjenerohen në publik, krijohet ideja se këtu ka një gjë të madhe, që këta njerëz janë kështu, që këta janë llum, atje llum, këtu llum. Dalin edhe këta kapakët e tenxhereve që marrin paga marramendëse të padeklaruara dhe pastaj flasin për pensionistët, ndërkohë që nuk u paguajnë atë që i takon pensionisteve nga rroga e tyre”, tha Rama.
