Personi që shikoni në foton e mësipërme është 67-vjeçari Hysni Ymeri, i cili humbi jetën një ditë më parë në Shkodër, pas një shpërthimi të fuqishëm në pallatin ku banonte.
Deri më tani shkaqet dhe rrethanat e ngjarjes vijojnë të jenë mister, pasi policia ende nuk ka zbardhur nëse shpërthimi u shkaktua nga lëndë eksplozive me telekomandë apo nga paneli i matësve të energjisë elektrike.
Hetuesit po ndjekin dy pista kryesore dhe nuk kanë dhënë asnjë konfirmim për momentin, ndërkohë që sipas raportimeve Hysni Ymeri, është vëllai i një personi të dënuar me burg për një vrasje të ndodhur shumë vite më parë në Shkodër dhe ka dyshime se ngjarja mund të jetë edhe një atentat për hakmarrje.
