Prokuroria e Sarandës ka përfunduar hetimet dhe ka dërguar në gjyq 16 persona për veprën penale “Prodhim dhe shitje narkotikësh”, kryer në bashkëpunim dhe më shumë se një herë.
Nga hetimet përgjatë 1 viti, rezultoi se të pandehurit shisnin lëndë narkotike në qytetet e Sarandës dhe Delvinës, kryesisht tek moshat e reja.
Sipas akuzës, 12 prej të pandehurve – J.I., M.H., P.B., E.H., M.D., O.A., F.A., Xh.M., S.M., D.Q., E.T. dhe E.D. do të përballen me drejtësinë për veprën penale “Prodhim dhe shitje narkotikësh”.
Ndërkohë, A.C. akuzohet për shitje të lëndëve narkotike, si dhe për mbajtje pa leje të armëve të ftohta.
Tre të pandehur të tjerë V.K., E.A. dhe A.Ç. do të gjykohen për veprën penale “Drejtimi i automjeteve në mënyrë të parregullt”, sipas nenit 291 të Kodit Penal.
