Kreu i Partisë Demokratike, Sali Berisha, ka deklaruar se e vetmja mënyrë për të rrëzuar këtë mazhorancë është përmes protestave dhe kacafytjes me qeverinë.
Në fjalën e tij në protestën para Kryeministrisë, Berisha tha se Edi Rama ka “vjedhur me bandat dhe kartelet e drogës më 11 maj”, dhe theksoi se këto grupe kriminale e kanë “kapur nga fyti” dhe kanë sjellë situatën ku ndodhet vendi sot.
Ai shtoi se demokratët dhe shqiptarët nuk duhet të ndalen deri në rrëzimin e qeverisë, duke theksuar se opozita është e gatshme të vazhdojë luftën deri në fund për të sjellë ndryshimin.
PD: Të nderuar deputetë të opozitës, drejtues të PD.
Të nderuar protestues të partisë Shqipëria Bëhet.
Sonte, ne mblidhemi për të shpallur para jush këtu, për të shpallur para mbarë shqiptarëve se PD nis betejën e saj përfundimtare për fitoren e opozitës, për fitoren e shqiptarëve.
Miqtë e mi, parafolësit këtu theksuan se Edi Rama është një hajdut i papërmbajtur, por në të gjitha ligësitë e njeriut, ajo që shterron guximin më shumë është vjedhja.
Ndaj dhe Edi Rama është frikacaku më i madh që ka njohur Shqipëria në atë detyrë.
Vetëm një moment, shikoni se ç’bën çdo natë me Adriatik Lapajn, në protestën e tij më qytetare, më civile. Vë një karrige aty, disa mjete dhe proteston në emër të çdo qytetari.
Çdo ditë, me orë të tëra policia, banditët ua heqin çadrat, u heqin tavolinat, u heqin ujin me akte banditeske.
Pse kjo?
Sepse ai është kryefrikacaku i kombit.
Kryehajduti është edhe kryefrikacaku i kombit.
Dhe u garantoj unë se ai është aty, se ai vjedh shqiptarët ditë e natë, nuk ngopet kurrë, e tha bukur Gëzim Sadiku, ai nuk ngopet kurrë.
Ai i bën të gjitha këto vetëm për shkakun tonë, se e lejojmë ne.
U jap ju fjalën e nderit, se kur ta zëmë në këtë shesh, me betimin se nuk e lëshojmë pa largimin e tij, ai do ia mbathë.
Po, po miq.
