Është zbuluar një rast i ushtrimit të prostitucionit në një apartament të marrë me qira në zonën e Shkëmbit të Kavajës, Durrës.
Në pranga kanë rënë dy shtetase kolumbiane, të dyja 26 vjeçe, të identifikuara me inicialet L.S. dhe M.P., ndërsa një 22-vjeçar nga Burreli po hetohet në gjendje të lirë për përfshirje në të njëjtin aktivitet.
Sipas hetimeve, apartamenti ishte përshtatur posaçërisht për ushtrimin e prostitucionit.
Gjatë kontrollit u sekuestruan dy pasaporta, një shumë para
sh në lekë dhe valutë, tre celularë, një bllok shënimesh dhe disa karta SIM.
“Në kuadër të kësaj faze të operacionit “Storm”, të zhvilluar në zonën e Shkëmbit të Kavajës, Durrës, u arrestuan për veprat penale “Prostitucion” dhe “Përshtatja e ambienteve për prostitucion”, shtetaset L. S, 26 vjeçe dhe M. P, 26 vjeçe, të dyja banuese në Kolumbi.
Gjithashtu u procedua në gjendje të lirë shtetasi E. M., 22 vjeç, banues në Burrel, për veprën penale “Prostitucioni”.
Në cilësinë e provës materiale u sekuestruan dy pasaporta të shtetaseve të huaja, shuma parash në lekë dhe në valutë, 3 aparate celular, një bllok shënimesh dhe disa karta sim.
Nga veprimet hetimore të kryera për nevoja të këtij procedimi rezultoi se këto shtetase kishin marrë me qira një apartament në zonën e Shkëmbit të Kavajës dhe e kishin përshtatur me qëllim ushtrimin e aktivitetit të prostitucionit”, njoftoi sot policia.
