Policia e Shkodrës ka arrestuar në flagrancë shtetasin slloven, i cili ditën e djeshme në aksin rrugor “Shkodër-Hani i Hotit”, përplasi për vdekje një person.
Sipas raportimeve, është arrestuar shtetasi K. J., 36 vjeç, për veprën penale “Shkelja e rregullave të qarkullimit rrugor”.
“Në vijim të informacionit paraprak të dhënë dje, për aksidentin në aksin rrugor “Shkodër-Hani i Hotit”, bëjmë me dije se specialistët e Qarkullimit Rrugor arrestuan në flagrancë shtetasin slloven K. J., 36 vjeç, për veprën penale “Shkelja e rregullave të qarkullimit rrugor”, me pasojë vdekjen”, thuhet në njoftimin e policisë.
