Nga Boldnews.al
Nëse tallja do kërkonte një emër, ajo bëhet edhe nëpërmjet emrit Popull, ose të ashtëquajtuarit zyrtarisht, Avokati i Popullit. Pjesë e një loje politike me “thurje” nëpër korridoret e errëta të mazhorancës u bë edhe PD-ja. Tashmë dolën në dritë qëllimet për ngritjen e një emri me çështje “Thurje”, ndërsa opozita edhe këtë herë mori me vete damkën me dy atlernativa: ose është në nivel të frikshëm padije dhe papërgjshmërie; ose është hapëse e një kanali që çon ujë në mullirin e Ramës.
Në një traditë, herë të shkelur e herë të lënë në marrëveshje, Avokati i Popullit konsiderohet si “domen i opozitës”, në përzgjedhjen e një emri dhe më pas mazhoranca pasi kalon në një proces konsultimi shprehet me votë duke pranuar emrin e sjellë nga opozita. Institucioni i Avokatit të Pupullit në hierarkinë shtetërore cilësohet i rëndësishëm, pasi kërkon votim nga tre të pestat e e deputetëve, ose minimalisht 84 vota.
Në fazën e parë të përzgjedhjeve të kandidaturave për postin e Avokatit të Popullit, Komisioni Parlamentar i Çështjeve Ligjore dhe Administratës Publike dha idenë e një procesi serioz, por në fund loja me “thurje” çoi në shthurjen e opozitës. Fillimisht PD mbështeti shtatë kandidatë, ku një pjesë e deputetëve të opozitës kishin votuar për të shtatë. Ata dërguan në Kuvend listën me 28 emra deputetësh, ndonëse edhe aty në një papërgjeshmëri të frikshme, pasi ishin 27 firma.
Në fund PD-ja u tërhoq nga të gjithë emrat e propozuar. “Grupi PD ka tërhequr mbështetjen për të gjithë kandidatët. Kthehemi në pikën zero asnjë nuk plotëson kushtet”, tha Gent Strazimiri, anëtar i këtij komisioni. Tëpër vonë, loja kishte nisur dhe rregullat tashmë po i përcakton Rama dhe 83 deputetët e tij, që thjësht janë “kartonë jeshil”.
Mazhoranca nuk pranoi tërheqjen e opozitës duke u shprehur se firmat janë dorëzuar sikurse e parashikon rregullorja dhe do të vijojnë të zgjedhin një nga gjashtë emrat që erdhi fillimisht si propozim nga opozita. Ata janë Ardiana Kalaja, Aranita Brahja, Besim Ndregjoni, Skënder Haluca, Tartar Bazaj dhe i fundit, që pritet të dalë i pari, Endri Shabani, (deri para pak javësh drejtues i Partisë Nisma Thurje, që pasi shthuri partinë dhe koalicion me Adriak Lapajn, zuri vend në gjirin e Ramës për posrtin e Avokatit të Popullit.
Po, është mëse e vërtetë se opozita nuk ka votat për të zgjedhur apo edhe imponuar një emër të saj për Avokatin e Popullit, por opozita duhet të kishte moralin për tu treguar e drejtë dhe jashtë “thurjeve të kulisave”. Partia Demokratike duhet të kishte dalë me një emër të vetëm të saj, qoftë edhe duke e përzgjedhur nga gjashtëshja finale. Nëse do të mbështeste një emër duke analizuar brenda grupit të saj parlamentar të gjithë kandidaturat dhe tia paraqiste kuvendit, PD kishte kredon morale që të thonte se mazhoranca me forcën e kartonit rrëmbeu edhe institucionin që si rregull do të drejtohej nga një i përgjedhur i opozitës.
Në një sistem ku të gjithë institucionet në letra edhe të pavarura ndjejnë darën shtrënguese të Ramës dhe qeverisë së tij, Avokati i Popullit nuk mund të bëjë çudinë, por procesi që përleu kaq keq opozitën do të mbahet mend më shumë sesa emri pasues i këtij institucioni me mandat 5-vjeçar.
